El poema guaraní que está despertando el orgullo cultural: cuando las palabras ancestrales abrazan la identidad paraguaya

Guaraní, che ñe’ẽ porãite

Por Lilian Aliente

Yvytypaje ru’ãgui yvága korapyre resẽva’ekue reveve ha nde pepo morotĩgui otyky hypave’ỹva ayvu eirete.

Guaraní, che ñe’ẽmi porãite nereñoivoraka’e, ne ángapype oñembyaty mba’e momorãmbymemete.

Oñemono’õjeraka’e ndepype, mburukuja poty ryakuã, guyra purahéi rory, yvakuéra re’ẽngue ha yvága resa poty.

Ne korasõme katu oñeñohẽ ko’ẽti ma’ẽ rory, yvytu roky pyahu, yvága py’aguapy ha mbyjako’ẽ rendypu.

Guaraní, che ñe’ẽmi porãite rembyatyva nde pype opaite mba’e porã, ysyry sãtĩ ryapu temiandu eirete ñasaindy potyjera ha Paraguái reko tee.

Ohai Lilian Aliente.