Ohai. Narciso R. Careaga S.
AHENDU… HA KATU AHECHA
(Che retã Paraguay tavayguápe guarã)
I
Ko’ẽre…
Ahendu… ñe’ẽpoty ha purahéi neporãva nde rérape ojehaiha,
Ha katu ahecha… ñembyasýpe jejahéi ona nde rehe,
Ka’aguy opa, mymba ojejuka ha y ityaipa…
II
Ahendu… tendotakuéra omba’apoha kanẽ’õ’ỹre
Ha katu ahecha… Político tujukue amo yvate mbaretépe oñemopyenda,
pokarõ, ñemonda ha tekojoja’ỹgui ñane renyhe…
III
Ahendu… sapukáipe tendota rembiapo porãita
Ha katu ahecha… kiririme che tavaygua ko’ẽrẽ ñembyahyiha,
Tavy, mboriahu, ñembyahýi poguýpe hetaha…
IV
Ahendu… pochýpe tavaygua osapukái ikotevémby
Ha katu ahecha… peteĩ “mba’épio jajapótape” oñembyasy ha itíndy,
Ha mburuvicha “moõpio che aikuátape” rova’atãime ombohovái…
V
Ahendu… tavaygua he’íva ko ha amo candidato ñandéva rehegua
Ha katu ahecha… ojupire viru rehe ipopa’ã,
Ha mba’asy, tavy, tyre’ỹ ha manóme jahapa…
VI
Ahendu… mitãrusu pyahu oikeha aipo partidópe ñande reko ombopyahu hagua
Ha katu ahecha… karai político tuja hetã ohayhu’ỹva rembiapo vaikue ojapo jeyha,
Ha’e jjapu, imonda ha kiririme ñanemotĩ, mba’evete ojapo hagua ha ikasõkua virúgui omyanyhẽ, omyapesã…
VII
Ahendu… ko ñande reko péichantetaha,
araka’eve naiporãmo’ãiha, umi iñañáva ha hetãrayhu’ỹva ndaje hetaveha,
ha katu ahecha… jepémo ivai ñande reko, iñambuetaha,
Õigui gueteri heta tapicha rekopoti, imha’aporekóva oñeiha’ãva ko’ẽrẽ hetaveha…
Ahecha jeroviápe ára pyahu oñemboja ha tavaygua opáy ha ojetyryro vove iporã añetetaha…
ESCUCHO… PERO SIN EMBARGO VEO.
(A mi querido pueblo paraguayo)
I
Cada amanecer…
Escucho… Bellos poemas y canciones en tu nombre,
Pero sin embargo veo… Con tristeza que la miseria te envuelve,
Terminan los montes, los animales sacrificados, los ríos contaminados…
II
Escucho… que los políticos trabajan sin cansancio,
Pero sin embargo veo… podridos políticos entroncarse con fuerza en el poder,
Corrupción, robos e injusticias desbordamos por doquier…
III
Escucho… A gritos que el trabajo del presidente es muy bueno
Pero sin embargo veo… que en silencio y cabizbajo mi pueblo pasa hambre,
Bajo la ignorancia, la pobreza y la enfermedad cada vez son más…
IV
Escucho… al pueblo encolerizado gritar sus necesidades,
Pero sin embargo veo…que con un “¿Y qué le vamos a hacer?”
entristecido baja la cabeza,
Y el jefe de turno “¿Dónde yo voy a saber?, responde de caradura…
V
Escucho… al pueblo decir que éste y aquel son los candidatos para nosotros,
Pero sin embargo veo… al subir con las manos en la lata va a parar,
Y con tristeza, analfabetismo, orfandad y en muerte vamos a acabar…
VI
Escucho… jóvenes y nuevos valores en los partidos ingresar,
nuestras vidas va a renovar,
Pero sin embargo veo… que el viejo y podrido político de nuevo lo encaminará, lo mismo volverá a realizar…
El miente, roba, vergüenza nos da, para nada hacer y solo sus bolsillos atiborrar…
VII
Escucho… que esto será así siempre y no va a cambiar,
Que nunca será mejor, que los malos y que los apátridas vendepatrias son más,
Pero sin embargo veo… que aunque esté fea la situación, esto cambiará.
Porque aún tenemos muchos ciudadanos honestos, trabajadores que se esfuerzan cada día y más…
Veo con esperanza que un nuevo día se acerca y que cuando el pueblo despierte y se sacuda de verdad, todo será mejor… ¡Viva el Paraguay!
