Por Lilian Aliente
KA’AGUY MEMBY
Ka’aguy memby kunu’û rupa,
eirete raity,
eme’émona chéve ne mba’ekuaa,
ndaiporichéne ndeichagua ava,
nde pyapy tajy mborayhu renda,
ha nde reko tee arandu ygua.
Nde reko yma techapyrã añete,
remyasãi vy’a ha py’aguapy,
ysyry, mymba ha opavavete
ndaikatuichéne nderehe’ỹ oikove.
Ka’aguy nde sy,
kuarahy nde ru,
ha hesekuéra akóinte reñangareko,
reipotágui ndéicha hekove sãso.
Ka’aguy membyni
ánga ysatî,
nde opŷpe reipováva arandu,
aníkena araka’eve okirirî takuapu,
aníkena ogue mbaraka mirî,
akóinteke tangarápe tojuasa kupy,
ha ko’evére taheñoive ygary,
toikove akóinte pe teko guarani.
Ohai Lilian Aliente.
Un poema profundo en guaraní que celebra al “hijo del bosque” (ka’aguy memby), conectando la sabiduría ancestral indígena con la naturaleza y las tradiciones guaraníes.
