Por Narciso Ramón Careaga Santander
22 jasyporundy 2021.
I Háke octubre iñapyséma Ha hendíve karai ñana osema Héko ky’a ha ijao chalái Ha ohohápe mba’e porã ndohejái
II Voíko ha’e opu’ã ha tavahare oikundaha Ñambyatyke jepe’a ha tuícha jajatapy Oñepyrũma ko karai oñembosako’íva oheka Tembi’u Paraguay teete ñañepyrũke ñamboguapy
III Karai reko ñaña, rendyva puku Oikese nde rógape ohejavo ñembyasy Ejetyvy róke ha eñepia’ã Háke asaje mboyve oimba’mava’erã
IV Jopara rypy’ũ tuícha topupu Ipype lókro ha kumanda Sevói, kesu ha kuratũ Tombohyakuã nde rogapy
V Háke asaje potaite ha karai reko ñaña Oñembojasema ohejavo po’ãy Aníke rekyhyje ha joparape tohasa Ha hendaguépe mbohayhu topyra
VI Háke oguahéma asaje ha ka’aguygui osê Oíko oikundaha, oguata mbeguẽ, nde rógape oikese Aníke eheja, háke ohejáne ñembyasyrã Eñembosako’íke ha tembi’u Paraguay re’uva’erã
VII Eimérõ ndereroviái ojejokóke Háke karai Octubre nde rógape ohóne Ha oimérõ jopara nderc japói ñembyasype reikóne Ha vy’a’ỹ spyra’ỹ nde rekovere ojejokóne
VIII Ñañembytypa’ña ha torýpe toíko upe karũguasu Mesa ao morotĩ jaipyso ha tuíchakue ñamoĩ upe mesa puku Ha ñi’arĩ tôtimbo mandí’o, sopa paraguái ha chipaguasu Ha avyú ha vy’ápe, ñañembo’e rire totyve oñondívspa yru
IX Mba’e piko chembokyhyjéta ajpo jasypa ñepurũ Arekóro tembi’u ñanemba’ete , joparape ojehero Ha ñi’arieteve che rogaygua mborayhu Ha hendíve Ñande Ruete tuícha tovasa ombou
X Peína reikuaáma erekoró joparami ñane rembi’u Ha nde rôgagui karai octubre tuícha ojere Eme’éke aguije háke ndeichagua sa’í oi tekove Eme’éke oívape tanemoírũ Eikuaáke ñame’êvo, hetave ñandeýe oñembou háke karai Octobre, aníke nde rógape oguahẽ Vy’a, mborayhu ha tovasãgui nde ha nde rogaygua apenderenyhẽ
